აღწერა

ამერიკელი მწერლის სესილია ჯემისონის წიგნში „ლედი ჯეინი“ მძაფრად იგრძნობა კლასობრივი განსხვავება. პატარა, ობოლი გოგონა, დედის უეცარი გარდაცვალების შემდეგ, უცხო ქალაქში, გულქვა ადამიანების გარემოცვაში აღმოჩნდება და მის ერთადერთ ნუგეშად ცისფერი ყანჩა იქცევა. ნაწარმოებში ბევრი საინტერესო დეტალია ნახევრად ფრანგული ქალაქის, ახალი ორლეანის ისტორიიდან, სადაც დიდი მნიშვნელობა აქვს ამერიკულ ფულსა და ფრანგულ არისტოკრატიულ მანერებს. მთავარ გმირს, ლედი ჯეინს ბევრი საერთო აქვს ჰაიდისთან, პოლიანასთან... მათი მონათესავე სულია. ამ კეთილი წიგნიდან ვიგებთ,

რომ არანაირ ძალადობასა და სიღატაკეს არ შეუძლია შეულახოს ადამიანს ღირსების გრძნობა; რომ კეთილი გული ყოველთვის პოულობს მეგობრებს; რომ ქველმოქმედება ადამიანის საუკეთესო თვისებაა; რომ სახელმწიფო მუდამ უნდა ზრუნავდეს ბავშვებზე; რომ მიუხედავად ათასი დაბრკოლებისა, სასწაული მაინც ხდება – მთავარია, ამის გჯეროდეს.