Description

შვილის ბედნიერებასა და წარმატებაზე მშობლები მისი დაბადებიდანვე ზრუნავენ, რადგან სამომავლო წინსვლას დიდწილად განაპირობებს ის უნარ-ჩვევები, რომელთაც საფუძველი სკოლაში მისვლამდე ეყრება. 1-დან 6 წლამდე ასაკის ბავშვებისთვის მხატვრული ტექსტების შექმნა საკმაოდ რთულია, რადგან ავტორმა კარგად უნდა იცოდეს ბავშვის ფსიქოლოგია, ზუსტად უნდა ითვალისწინებ­დეს სკოლამდელთა გონებრივ შესაძლებლობებსა და სიახლის ათვი­სების უნარებს. იაკობ გოგებაშვილის საბავშვო და საყმაწვილო პრემიის ლაურეატის, ფსიქოლოგისა და გამოცდილი პედაგოგის, თამარ ადამიას კიდევ ერთი შემეცნებითი წიგნი მხიარული ამბებით სწორედ ამ თავისებურებებით გამოირჩევა. ისინი ბავშვს ამშვიდე­ბენ და ფერად სამყაროში ამოგზაურებენ. მის წარმოსახვაში ცო­ცხლდებიან პერსონაჟები, იბადებიან აზრები და პატარა მშვიდად გადადის ძილის მდგომარეობაში. ამ ტექსტებით ბავშვი გაიმდიდრებს სიტყვათა მარაგს, აიმაღლებს ემოციურ ინტელექტს, ისწა­ვლის გააზრებას, განივითარებს წარმოსახვას, ყურადღებას, სმენით მეხსიერებასა და მეტყველებას.