აღწერა

შტეფან ცვაიგის ამ ფსიქოლოგიურ რომანში მრავლადაა ისეთი ფსიქოლოგიური ნიუანსები, რომელშიც იკვეთება პერსონაჟების გრძნობა და მოტივაცია. ეს არის ტრაგიკული ისტორია ცხოვრებისეულ სიმართლეზე, ადამიანის ცივი გულის გათბობაზე, გაუზიარებელ სიყვარულზე... მწერალი ეხება ადამიანის ნაკლოვან მხარეებს: მამაკაცებისა და ქალების აუდიტორიას საკუთარ ქმედებებზე დაფიქრებას აიძულებს. განა შეიძლება ყალბი იმედი მივცეთ ადამიანსდა ტყუილებით ვკვებავდეთ? მკითხველი თავიდანვე ეფლობა გრძნობების კალეიდოსკოპში, გრძნობს სიტუაციის სირთულეს და ცდილობს გზადაგზა თავად იპოვოს გამოსავალი, გაარკვიოს, ვის აქვს ნამდვილი გრძნობის უნარი და ვინ არის სულით ინვალიდი... როგორ შეიძლება შემთხვევითობამ ადამიანის ბედი განაპირობოს და რას ნიშნავს სულისა და გონების სიმამაცე. ცვაიგმა ამ რომანით დაგვაფიქრა, რომ თანაგრძნობის გამოხატვასაც აქვს თავისი საზღვრები; რომ ყოველთვის არსებობს შანსი, რაიმე შევცვალოთ ცხოვრებაში. ამ რომანის მიხედვით გადაღებულია რამდენიმე ფილმი და სერიალი „სიყვარული სიყვარულის წილ”.