აღწერა

მწერლის ამ რომანმა ევროკავშირის ლიტერატურული პრემია მოიპოვა. წიგნის მთავარი პერსონაჟი, ხორვატი გოგონა, არეტა, თავის ისტორიას გვიყვება. ის იზრდებოდა მრავალეროვან იუგოსლავიაში. ქვეყნის დაშლისა და უსასტიკესი სამოქალაქო ომის პერიოდში მშობლებმა მისი საფრანგეთში გაგზავნა მოასწრეს. შუაგულ ევროპაში არეტა დაბნეულია და თავს მარტოდ გრძნობს: “ზოგჯერ მეღვიძება და მგონია, დედამიწის საპირისპირო მხარეს პარალელური ცხოვრებით ვცხოვრობ, სულ სხვა გული მაქვს, სხვა თვალები. ამ დროს ვცდილობ, წარმოვიდგინო ის გამოცდილება, რასაც ეს სხვა ადამიანი დედამიწის საპირისპირო მხარეს იძენს – ხომ შეიძლება მეც რამეში დამეხმაროს, ისევე, როგორც ზოგჯერ, უცხო ადამიანების ნაჩვენებ-გაზიარებული გამოცდილება გვეხმარება, განსაკუთრებით იმათი, ვინც გზის შუალედურ ეტაპს გადის და საკუთარი თავის გარდა, სხვა საყრდენი არ გააჩნია...”