Description

ქართული ლიტერატურის გამორჩეული წარმომადგენლის, „მართალი კაცის“, ოტია იოსელიანის ამ კრებულში 55 არაკია გაერთიანებული. ერთი შეხედვით მარტივი სიუჟეტის მიღმა, ავტორი მნიშვნელოვან ცხოვრებისეულ ჭეშმარიტებებსა და მთავარ ადამიანურ ფასეულობებს გვასწავლის: თავმდაბლობას, მუყაითობას, პატიოსნებას, სამართლიანობას, ერთგულებას... არაკებში უფროსები სიბრძნეს პოულობენ, ბავშვებისთვის კი მათი კითხვა მხიარული და შემეცნებითი თავგადასავალია. აბა, გაინტერესებთ, გაიგოთ: რატომაა ლომი ცხოველთა მეფე? რა დაემართათ თავმომწონე კიტრს, გაზულუქებულ ტურას და ბრიყვ აქლემს, რომელსაც თავისი კუზი სიმახინჯე და ზედმეტი ბარგი ეგონა? რატომ დაივიწყეს სპილოს დაბადების დღე ტყის ცხოველებმა? უშველა თუ არა ფრენამ ხვლიკს, რომელსაც ქვეყნის დანახვა უნდოდა? რა აძლებინებს ჯიხვს კლდეებში? რატომაა ორი ერთნაირი, უპატრონო, მაწანწალა, მშიერი და უსახლკარო ძაღლიდან ერთი უბედური, მეორე კი – ბედნიერი? როგორ გახდა ერთი ცანცარა კურდღელი, კურდღლებს შორის გამორჩეული და პატივსაცემი?.. – მაშინ წაიკითხეთ ეს არაჩვეულებრივი წიგნი და აღმოაჩინეთ პატარა ამბებში დამალული დიდი სიბრძნე.