აღწერა

იშვიათია ყველა დროში წარმატებული წიგნი. ალბერ კოენის ‘’დედაჩემი’’ სწორედ ასეთ ნაწარმოებებს მიეკუთვნება. ეს სულში ჩამწვდომი მოგონებაა დედაზე. თითოეული ჩვენგანი აქ საკუთარ დედას დაინახავს: წმინდას, სათნოს, ამავდროულად ვაჟკაცურს, კეთილს, სიყვარულითა და სითბოთი აღსავსეს. დედის სიკვდილის გამო თვალცრემლიანი შვილები აქ ამოკითხულ საყვედურებს გაითავისებენ, გაიხსენებენ რა იმ დროს, როცა გულგრილნი, უმადურნი და მიუხვედრელნი იყვნენ. სინანული და სინდისის ქენჯნა გვიან მოდის. შვილებს ვერ წარმოუდგენიათ, რომ ერთ მშვენიერ დღეს დედა აღარ ეყოლებათ: უბრაზდებიან და მოთმინებას არ იჩენენ მის მიმართ, ამიტომაც უგუნურები ნაადრევად ისჯებიან.  

ალბერ კოენის ნაწარმოებებს ქართველი მკითხველი პირველად ეცნობა.