Description

დიდები ხშირად წუწუნებენ, რომ ბავშვები დიდ დროს ატა­რებენ გაჯეტებთან, კომპიუტერებთან, პლანშეტებთან თუ მობილურებთან, რადგან ინტერნეტი უამრავი შემეცნებითი ინფორმაციის გარდა, საფრთხეებსაც შეიცავს.

წარმოიდგინე, რომ შენ წინ ჯადოსნური კარია. კარს ორი მხარე აქვს. ერთ მხარეს მხოლოდ ვირტუალური სამყაროა – ვირტუალური პერსონაჟებითა და ამბებით, მეორე მხარეს – ნამდვილი სამყარო, ნამდვილი პერსონაჟებითა და ამბებით.

შენ იმ მხარეს დგახარ, სადაც ვირტუალური სამყაროა. აქ დიდი ძალისხმევა არაფერზე გჭირდება, მხოლოდ ერთი დაწ­კაპუნება და ათასნაირ თავგადასავალში ეხვევი.

მაგრამ საინტერესოა, რა ხდება მეორე მხარეს, არა?

ეს წიგნი კარის გაღებასა და ნამდვილი სამყაროს აღმო­ჩენაში დაგეხმარება, რომელიც სულაც არაა უინტერესო და ნაცრისფერი; და თუ მაინც ასე გეჩვენება, თავადვე შეგიძლია, მარტივად გახადო საინტერესო და მრავალფერად გააფერადო.